دوای کۆبوونەوە لەگەڵ حکومەت بۆمان دەرکەوت کە ناتوانن هەندێ لەو خاڵە بنەڕەتییانەی کە ئێمە داوامانکردووە جێبەجێی بکەن بۆیە لە کۆبوونەوەی ئەمڕۆی سەرکردایەتی یەکگرتوو ، بەکۆی دەنگ بڕیاری کشانەوە لە حکومەت دەرکرا".
سەلاحەدین محەممەد، ئاشکرای کرد بە دەنگی زۆرینەی ئەندامانی ئەنجومەنی بەڕێوەبردنی یەکگرتوو بڕیاری کشانەوەیان لە حکومەت داوە.
ئەمینداری گشتیی یەکگرتوو وتیشی " حکومەتی ھەرێم ناتوانێت کێشەکانی چارەسەر بکات، یەکێتی و پارتی زۆرینەی دەسەڵاتیان لەم کابینەیەدا لەدەستدابووە و دەبێت خۆیان بەرپرسیارێتی ئەم دۆخە لە ئەستۆ بگرن".
دوو رۆژە یەکگرتووی ئیسلامی لە کۆبوونەوەیەکی چڕ و پڕ و درێژدایەو کەمێک پێش ئێستا بڕیاری کشانەوەی راگەیاند.
رۆژی ٢٣ کانوونی یەکەم سەرکردایەتی یەکگرتوو یاداشتێکیان ئاراستەی حکومەتی هەرێم کردو ماوەی ١٥ رۆژیان بۆ دەستنیشانکرد، ئەگەر بەدەم داواکانیانەوە نەچن، لە حکومەت دەکشێنەوە.