لە دیوانی وەزارەتی تەندروستی هەرێمی كوردستان كۆبوونەوەیەك بە مەبەستی گرتنەبەری رێوشوێنەكان بۆ رێگەگرتن لە بڵاوبوونەوەی نەخۆشی ئەنفلۆنزای باڵندە ئەنجامدرا، وەزیری تەندروستیش دڵنیایی دەداتە هەوڵاتیانی هەرێم.
ئەمڕۆ یەك شەممە رێكەوتی 28 ی 1 ی 2018 رێكەوت حەمەرەشید وەزیری تەندروستی حكومەتی هەرێمی كوردستان لە ئەكاونتی تایبەتی خۆی لە فەیسبووك بڵاویكردەوە "ئەمڕۆ كۆبوونەوەی لێژنەی باڵای ئەنفلۆنزای باڵندە لە دیوانی وەزارەت بۆ خۆ ئامادەكردن و گرتنەبەری چەند رێ و شوێنێك بۆ ئەو مەبەستە كۆبوونەوە".
وەزیری تەندروستی حكومەتی هەرێم ئەوەشی خستووەتەڕوو "هاوڵاتیانی خۆشەویست دڵنیا دەكەینەوە كە تا ئێستا حاڵەتی نەخۆشی ئەنفلۆنزای باڵندە لە هەرێمی كوردستان بوونی نیە".