بنکە سەربازییەکانی سوریا و ئێران لە حەلەب و حەما موشەکباران كران
چەند
موشەکێک ئاراستەی بنكە سەربازیەكانی حكومەتی سوریا و هێزە ئێرانیەكان
کران لە شارەکانی حەلەب و حەمای سوریاو بەوهۆیەوە ژمارەیەک سەربازی ئێرانی
کوژران.
ڕوانگەی سوری بۆ مافەكانی مرۆڤ ڕایگەیاند، درەنگانێکی شەوی رابردوو، چەند
موشەكی دوور هاوێژ ئاڕاستەی چەند بنكە و بارەگایەكی سەربازی سوپای سوریا و
سوپای پاسدارانی ئێرانی کراون لە دەوروبەری حەلەب و حەما ی سوریا.
بە گوێرەی میدیاکانی ئەو وڵاتەش، هێرشەكە بە 9 مووشەك لە بنكە
سەربازییەكانی ئەمەریكا و بەریتانیا لە باكوری ئەردەن-ەوە، ئاڕاستەی
دەوروبەری حەلەب و حەما کراوە، بەڵام تا ئێستا زیانە گیانی و مادییەكانی
هێرشەكە نەزانراوە.
لەلایەکی دیکەوە ماڵپەڕی سکای نیوز لە زاری چەند سەرچاوەیەکی ناوخۆی
سوریاوە بڵاویکردەوە، لە ئەنجامی هێرشەکەی ئەمشەو بۆ سەر سوریا زیاتر لە
40 چەکداری سەر بە ئێران کوژران و 60 چەکداری تریش برینداربوون، کە یەکێک
لە بریندارەکان " حیان تەلال محەمەد"ە کە فەرماندەیەکی باڵای سەربازی
سوپای ئێرانە.
AM:10:03:30/04/2018