فەرماندەیەکى هێزەکانى سوریاى دیموکرات "هەسەدە" ئاشکرایکرد لە ئۆپراسیۆنى دێرەزوور ناوچەیەکى گرنگی سەربازییان لە ژێر دەستى داعش دەرهێناوە.
شێرکۆ حەسەکە، فەرماندەى گشتى ئۆپراسیۆنى دێرەزوور کە هەسەدە پێشەنگى ئۆپراسیۆنەکەیە ڕایگەیاند: لە ئەنجامى ئۆپراسیۆنەکەیان بۆ نەهێشتى داعش گوندى باخۆزا ژێرێى سەر بە دێرەزوریان کۆنتڕۆڵکردووە کە گوندێکى ستراتیژییە.
ڕاشیگەیاند: لەلایەکى ئەو گوندە عێراقە و لەلایەکى ڕژێمى سوریا هەیەو لە لایەکى تریشەوە داعشى لێیە، ئامانجێکى سەرەکى ئێمەش ڕزگارکردنى ئەو گوندە بووە لە دەستى داعش و ڕزگاریشمان کردووە.
بە گوێرەى وتەى فەرماندە سەربازییەکان، بەمەبەستى پاراستنى هاوڵاتیانى سڤیل، ئۆپراسیۆنى دێرەزوور بەشێوەیەکى سست بەڕێوەدەچێت چونکە کارى فڕۆکە سەربازییەکان سنوردارکراوە.
ماوەیەکە لەسەر سنورى نێوان عێراق و سوریا دا ئۆپراسیۆنێکى هاوبەش لە نێوان سوپاى عێراقى و هێزەکانى سوریا دیموکرات "هەسەدە" لەسەر سنورى عێراق و سوریا دەستى پێکردووەو تاوەکو ئێستاش بەردەوامە.