کۆمسیۆنی بالآی هەڵبژاردنی عێراق دوای سێ کاتژمێرو نیو کۆنگرەکەی دواکەوت لە کاتژمێر ١:٣٠ کۆنگرەکەی بەست و ژمارەی سکالآکان و ئەو سندوقانەی پووچەلکراونەتەوە ئاشکرا کرد.

کۆمسیۆنی بالآ رایگەیاند کە ١٤١٦ سکالآ لەسەر دەنگدانی تایبەت و دەنگدانی گشتی لەلایەن قەوارە سیاسیەکان تۆمار کراون.

هەروەها کۆمسیۆنی ئاشکراشی کرد کە لەسەرتاسەری عێراق و دەنگدانی دەرەوەش تەنها ١٠٣ وێستگە پووچەکراونەتەوە.

ئێستاش کۆمسیۆن بەردەوامە لە درێژەدان بە خوێندنەوەی ئەنجامی کۆتایی هەڵبژاردنی پەرلەمان و ناوی کاندیدەکان و ژمارەی دەنگەکانیشیان.