دکتۆرە زێڕین کامەران، خانمە بێژەری پێشووی هەواڵە تەندروستییەکانی کەناڵی ڕووداو وێنەیەکی بڵاودەکرێتەوەو ئاماژەی بە کارێک کردووە بۆ براندێکی جیهانی.

"دکتۆرە زێڕین" لە پێگەی تایبەتی لە تۆڕی کۆمەڵایەتی ئینستاگرام، وێنەیەکی نوێی خۆی بڵاوکردۆتەوە و لەسەر وێنەکە نوسیویەتی،"یەکەم کارم لە ئەدڤێرتایسمێنتێک بۆ براندێکی تەندروستی نێودەوڵەتی".

زێڕین کۆلێژی پزیشکی ددانی لە زانکۆی ئیشک تەواوکردووە، ماوەی چەند ساڵێک لە کەناڵی ئامسانی رووداو وێڕای پێشکەشکاری هەواڵی تەندروستی لە تەلەڤزیۆن و بەرنامەی هەتوان لە رادیۆ، وەک پرۆدیوسەریش لە دێسکی تەندروستی کاریدەکرد و وەک خۆی دەڵێت "بەهۆی سەرقاڵی بە کاری پزیشکیەوە لە شاشەی ڕووداو دوورکەوتەوە".