وەزارەتی نەوتی عیراق بڕیاریدا هەفتەی داهاتوو پێنج ملیۆن لیتر بەنزین رەوانەی هەرێمی كوردستان بکات.
نافز ناوپردانی، سەرۆكی لیژنەی نەوت و وزە لەئەنجومەنی پارێزگای هەولێر رایگەیاندووە،" تائێستا هیچ بڕە بەنزینێك لەلایەن حكومەتی عیراقەوە بۆ هەرێم نەهاتووە، هەرچەندە بریاری ناردنی پێنج ملیۆن لیتر بۆ هەرسێ پارێزگای سلێمانی و هەولێر و دهۆك دراوە".
ئاماژەی بەوەشراوە، کە دوای كۆتایی هاتنی پشووەكانی جەژن و لەهەفتەی داهاتوو، ئەو بڕە بەنزینەی بڕیاری لەسەر دراوە، دەگاتە پارێزگاكانی هەرێم و بەوەش نرخی بەنزین دادەبەزێت.
سەرۆكی لیژنەی نەوت و وزە لەئەنجومەنی پارێزگای هەولێر ئاشکراشی کردووەم کە ناردنی ئەو برە بەنزینە تەنها بۆ یەكجارە .