خۆپیشاندانی هاوڵاتیانی نەجەف دژی کەمی خزمەتگوزارییەکان بەردەوامە و سەرۆکوەزیرانی عێراق هیزە هەمنییەکانی خستوەتە حاڵەتی ئامادەباشییەوە.
ئەمرۆ شەممە حەیدەر عەبادی، سەرۆک وەزیرانی عێراق، هێزە ئەمنییەکانی عێراقی خستە حاڵەتی ئامادەباشیەوەو، چەند یەکەیەکی سەربازیش لە ھێزەکانی دژەتیرۆر و فیرقەی نۆیەمی سوپای عێراق، بەرەو بەسرە نێردراون.
میدیاکان بڵاویانکردەوە، خۆپیشاندەران لە نەجەف بارەگایەکی عەسایبی ئەهلی حەق-یان لە ناوچەی (حی السعد) پەلامار داوەو بەو هۆیەوە دوو خۆپیشاندەر کوژراون.
هاوکات عەلی سیستانی، مەرجەعی باڵای شیعەکانی عێراق، پشتیوانی خۆی بۆ خۆپیشاندەران دەربڕی و ڕایگەیاند خۆپیشاندەران لەم ھاوینە گەرمەدا لە ئاو کارەبا و خزمەتگوزارییە سەرەکییەکانی دیکە بێ بەشبووون.
ماوەی شەش ڕۆژە لە چەند پارێزگاکانی باشووری عێراق خۆپیشاندان دژی کەمی خزمەتگوزارییەکان و بەردەوامە و خۆپیشاندەران، ئەمرۆش دانیشتووانی نەجەف بۆ هەمان مەبەست دستیان دایە خۆپیشاندان و. لە ئیستاشدا بەهۆی نا جێگیری بارودۆخی ئەمنییەوە سەرجەم تۆرە کۆمەڵایەتییەکان راگیراون.