دادگای تێهەڵچوونەوەی سلێمانی جەخت لەسەر ئەوە دەکاتەوە کە ئەو تۆمەتبارەی لە نانەوا چییەک دەدات دەستگیرکراوەو لە زیندانەو سزای خۆی وەردەگرێت.
رونکردنەوەیەك لە سەرۆکایەتی دادگای تێهەڵچونەوەی ناوچەی سلێمانییەوە:-
لە چەند رۆژی رابردوودا لە تۆڕەکۆمەڵایەتییەکان و هۆکارەکانی راگەیاندن گرتەیەکی ڤیدیۆیی بڵاوبووەتەوە کە کەسێك بەلێدان و سوکایەتی دەستدرێژی دەکاتە سەر هاووڵاتییەك.. ئاگاداری هەموولایەك دەکەینەوە کە تۆمەتبار بە فەرمانی دادوەری لێکۆڵینەوە لە ڕۆژی ۲۰۱۸/۹/۱۳ ـەوە دەستگیرکراوە و ئێستا دەستبەسەرە و لەژێر لێکۆڵینەوەدایە و لە چەند دۆسیەیەکی تری تاوانکاریدا داواکراوە، وە هەموو ڕێکارێکی یاسایی بەرامبەر دەگیرێتە بەر..
#دادگای_سلێمانی دڵنیایی دەداتە هاووڵاتیان و دانیشتووانی پارێزگای سلێمانی کە بەهیچ شێوەیەک چاوپۆشی لە پێشێلکردنی یاسا و یاساشکێنی ناکەین و ئیجرائاتی قانونی تەواو دژی هەر کەس و لایەنێك دەگرینەبەر کە ئاژاوەگێڕی بکات و یاسا پێشێل بکات، وە هەموو هەوڵێك دەدەین بۆ پاراستنی ماف و کەرامەتی یاسایی هەموو مرۆڤێك بێ جیاوازی، ئەمەش بە هاوکاری و هەماهەنگی لەگەڵ دەسەڵاتی جێبەجێکردن و دەزگاکانی پۆلیس و ئاسایشی ناوخۆ.
سەرۆکایەتی دادگای تێهەڵچونەوەی ناوچەی سلێمانی