دەستەی كەشناسی و چاودێریی بوومەلەرزە رایدەگەیەنێت، كە لە چەند ناوچەیەكی هەرێمی كوردستان تەزرە دەبارێت و هەورەبروسكە دروست دەبێت.
دەستەی كەشناسی و چاودێریی بوومەلەرزەی عێراقی پێشبینییەكانی بۆ چوار رۆژی داهاتوو بڵاوكردووەتەوە و تێیدا دەردەكەوێت، كە رۆژی چوارشەممە ئاسمان ساماڵ دەبێت و لە رۆژانی دواتریش گۆڕانكاری بەسەردا دێت.
پێشبینییەكانی دەستەكە بۆ كەشوهەوای هەرێمی كوردستان:
- رۆژی چوارشەممە 28/11/2018
ئاسمان ساماڵ دەبێت و لە بەیانییەكەی تەمومژ دروست دەبێت و وردە وردە تەمەكە نامێنێت.
لە سنووری سلێمانی بارانێكی بەخوڕ دەبارێت.
- رۆژی پێنجشەممە 29/11/2018
ئاسمان نیمچە هەوری بۆ هەوریی دەبێت. باران دەبارێ و ئەگەری روودانی هەورەبروسكە لە رۆژئاوای سنووری پارێزگای دهۆك هەیە.
- رۆژی هەینی 30/11/2018
ئاسمان هەوری دەبێ، نمەباران و لە هەندێ ناوچەش بارانی بەخوڕ دەبارێ و ئەگەری هەورەبروسكە و بارینی تەزرەش هەیە.
- رۆژی شەممە 1/12/2018
ئاسمان هەوری دەبێت، بارانی بەخوڕ دەبارێت و ئەگەری باوبۆرانی بەهێز و روودانی هەورە بروسكەش هەیە و پێشبینیی بارینی تەزرەش دەكرێت.