بەهۆی لێنەكردنەوەی پۆستەرەكانی هەڵبژاردنی پەرلەمانی كوردستان لە شاری سلێمانی، سێ لایەنی سیاسی غەرامە دەکرێن.
رزگار ئەحمەد، بەرپرسی بەشی خزمەتگوزاری لە شارەوانی سلێمانی بە ماڵپەڕی دواڕۆژی وتوە"لەڕێگەی تیمەكانەوە مانگێك و 10 رۆژە ئەو پۆستەرانەمان لێكردۆتەوە و هەموو قەوارەكان سەرپێچییان هەبووە و بەشێوەی راپۆرت بۆ نووسینگەی كۆمسیۆنی سەربەخۆی هەڵبژاردن نێردراوە بۆ ئەوەی لەو بارمتەیەی لەلایەن قەوارەكانەوە دانراوە غەرامە بكرێن".
سەبارەت بە بڕی غەرامەکەش وتی "بەهەمووی نزیكەی 8 ملیۆن و 500 هەزار دینارە، یەكێتی 2 ملیۆن و 500 هەزار، پارتی 2 ملیۆن، گۆڕان 1 ملیۆن و 500 هەزار".