وەزیری پلاندانانی حكومەتی هەرێمی كوردستان ڕایگەیاند دانیشتوانی هەرێم زیاتر لە حەوت ملیۆن کەسە.
عەلی سندی، وەزیری پلاندانانی حكومەتی هەرێمی كوردستان ڕایگەیاند، ژمارەی دانیشتوانی هەرێمی كوردستان بە ئاوارەكانەوە زیاتر لە حەوت ملیۆن كەسە، لەكاتێكدا ژمارەی دانیشتوانی هەرێم پێش هاتنی ئاوارەكان نزیكەی پێنچ ملیۆن كەس بوو.
وتیشی نزیكەی ٩٦%ی منداڵانی هەرێمی كوردستان لە قوتابخانەی سەرەتایی دەخوێنن، كەچی تەنها لە ٦٧%ی لە خوێندنی ناوەندی دەوام دەكەن.