ژن و پیاوێکی کوردی نیشتەجێی وڵاتی کەنەدا یانسیبێکی هەشت ملیۆن دۆلاریان بردەوە، کە بەبۆنەی سەری ساڵەوە کڕیبویان.
بەگوێرەی هەواڵێکی ماڵپەڕی گڵۆباڵ نیوزی كه‌نه‌دی ژن و پیاوێکی کورد دوای ئەوەی تیکتێکی یانسیبیان کڕیووە بەبۆنەی سەری ساڵەوە، هەشت ملیۆن دۆلاریان بردووەتەوە.
ژنەکە ناوی "نەبی کوردستان"ە و پیاوەکەش ناوی "تۆفیق سندی"ە و خاوەنی شەش منداڵن و نیشته‌جێی وڵاتی كه‌نه‌دان، ئەوان پێشتر پێکەوە نانەوەخانەیەکیان له شاری كچینه‌ری ئۆنتاریۆ هەبووە و تێیدا کاریان کردووە.
تۆفیق ئاماژە بەوەدەکات، "دوای ئەوەی بۆمان دەرکەوت بووینەتە براوەی تیكیتی لۆتۆ تووشی سەرسوڕمان بووین کە بڕی حەوت ملیۆن و 935 هەزار و 986 دۆلاری کەنەدییمان بردەوە
ئەو خێزانە لە پلانیاندایە لە پاش وەرگرتنی، پارەکە بەسەر شەش منداڵەکەیاندا دابەشبکەن و ئۆتۆمبێلی باشتر بکڕن و باجەکانی لێبدەنەوە و گەشتێک بۆ هەرێمی کوردستان رێکبخەن.
بلیتی یانسیبەکە هەفتەی دووجار لە رۆژانی شەممان و چوار شەماندا رادەکێشرێت.