بە ناڕاستەوخۆ لاهوری شێخ جەنگی وەڵامی پارتی دەداتەوەو دەڵێت " كەركوك هێندەی حكومەتی هەرێم بۆ ئێمە وەك یەكێتی گرنگە”.
بەرپرسی ئاژانسی پاراستن و زانیاری-زانیاری هەرێمی كوردستان ڕایگەیاند، لە کەرکوکەوە بە میدیاکانی راگەیاند" پێكهێنانی كابینەی نوێی حكومەتی هەرێم و كەركوك بە یەك پاكێج گفتووگۆیان لەسەر دەكرێت".
ئەو بەرپرسەی یەکێتی دەڵێت "لە دواین كۆبوونەوەی ئەنجومەنی سەركردایەتی یەكێتییدا بڕیاری ئەوە دراوە، كە كەركوك و پێكهێنانی كابینەی نوێ پێكەوە گفتووگۆیان لەسەر بكرێت، چونكە كەركوك هێندەی حكومەتی هەرێم بۆ ئێمە وەك یەكێتی گرنگە”.
ئەو لێدوانە لە کاتێکدایە کە پارتی داوا دەکات سەرەتا کابینەی نوێ پێکبهێنرێت و ، دواتر لەسەر پرسەکانی کەرکوک و بەغدا رێککەوتن بکرێت.
دوێنێ کۆسرەت رەسوڵ جێگری سکرتێری گشتی و چەند بەرپرسێکی یەكێتی بەمەبەستی بەشداریكردن لە چەند پرسەیەكدا سەردانی كەركوكیان كردبوو.