د. رۆژ نوری شاوەیس رایگەیاند" لەسەر داوای سەرۆك بارزانی، مه‌كته‌بی سیاسیی پارتی و یەكێتی بۆ پێكھێنانی حكومەت و چارەسەركردنی كێشەكان كۆدەبنەوە".
دوێنی ٢٤ی شوبات لە مەراسیمی چلەی محەمەدی مەلا قادر، د.رۆژ نوری شاوه‌یس ئەندامی مەكتەبی سیاسیی پارتی رایگەیاند" پارتی و یەكێتی ناكۆكیان نیە و پێكەوە حكوومەتی نوێ پێك دێنن".
ئەو وتیشی "کۆبوونەوەکەی مه‌كته‌بی سیاسیی پارتی و یەكێتی بۆ پێكھێنانی حكومەت و چارەسەركردنی كێشەكانە".
پێشبینی دەکرێت لەم هەفتەدا لەسەر رۆشنای نامە گۆڕینەوەکەی نێوان مەسعود بارزانی سەرۆکی پارتی و کۆسرەت رەسوڵ جێگری سکرتێری گشتی، مەکتەبی سیاسی پارتی و یەکێتی کۆببنەوە بەمەبەستی پێکهێنانی کابینەی نوێ.