دەستەی گشتی گەشتوگوزاری هەرێم رایدەگەیەنێت، بەراورد بە ساڵی رابردوو رێژەی هاتنی گەشتیاران بۆ هەرێم لە سەدا چوار زیادی كردووە و رێژەی لە سەدا 73یان لە خوار و و ناوەڕاستی عێراقەوە هاتوون.
دەستەی گەشتوگوزاری هەرێم لە راگەیاندراوێكدا ئاشكرایكردووە، لە ماوەی 10 رۆژدا كە لە 12ی ئازار تاكو 22 ئازار حساب كراوە و پشتیان بە ئامار و زانیاری بازگە و خاڵە سنوریەكان و فڕۆكەخانەكان بەستووە 243 هەزار گەشتیار هاتونەتە هەرێمی كوردستان، رێژەكەش بەراورد بە ساڵی رابردوو لە سەدا چوار زیادی كردووە.
بەگوێرەی ئاماری دەستەكە گەشتیارەكان رێژەی لە سەدا 73یان لە خوارو و ناوەڕاستی عێراق و لەسەدا 16 لە ئێران و لەسەدا 6 لە توركیا و لە سەدا 5 یان لە وڵاتانی ترەوە هاتونەتە هەرێمی كوردستان.