بەڕێوەبەرایەتی ناحیەی تەق تەق، بەهۆی ئەو شەپۆلە بارانە بەخوڕەی هەرێمی گرتووەتەوە، داوای چۆڵكردنی چەند گەڕەكێك دەكات.
عومەر ئەحمەد بەڕێوەبەری ناحیەی تەقتەق لە لێدوانێکی رۆژنامەوانیە راگەیاند " بەهۆی ئەو بارانە بەخوڕەی ئاسمانی ناوچەكەی گرتووەتەوە و لافاو و بەرزبوونەوەی ئاوی دوکان مەترسی بۆ سەر ژیانی هاووڵاتیانی گەڕەكەكانی رزگاری و ئاشتی دروستكردووە".
بەڕێوەبەری ناحیەی تەقتەق وتیشی" داوامان لە هاووڵاتیان كردووە لەپێناو پاراستنی ژیانیان و نەمانی مەترسی لەسەریان ماڵەكانیان چۆڵبكەن، بەڵام هەندێك لەو هاووڵاتیانە نایانەوێت ماڵەكانیان چۆڵبكەن".
بەڕێوەبەری ناحیەی تەقتەق ئاماچەی بەوەشكرد، لەئێستادا چەند پاركێكی ناحییەی تەقتەق بە ناوەكانی( پاركی گەشتیاری- پاركی چەمی رەشید- گازینۆی تەقتەق) ژێر ئاوكەوتوون و پاركی خاڵخاڵان و پاركی مەهناز لەگەڵ بەشێك لە پاركی قەرەتاو ی سنوری شار ژێر ئاوكەوتوون.
ئەو بەرپرسە دڵنیایی دەداتە هاووڵاتیان كە ماڵەكانیان پارێزرا و دەبێت و سەرجەم كارمەندانی هێزە ئەمنییەكان لە ئەركدان و ئاسایش و پۆلیس قەزای كۆیەش بۆ هاوكاریكردنمان گەیشتتونەتە ناوچەكە.
وتیشی: داواش لە هاووڵاتیان دەكەین بەهیچ جۆرێك نەیەنە سەرشەقامی كۆرنیش كە لەسەر زێی بچوكە، چونكە قەرەباڵغییەكی زۆری لەسەرە و ئۆتۆمبێلێكی زۆر لەسەر شەقامەكەن، تا بتوانین بەشێوەیەكی فراوان كۆنترۆڵی بارودۆخەكە بكەین.