لە شەڕو پێكدادانێکی نێوان سەربازانی سوپای توركیا و گەریلاكانی پارتی كرێكارانی كوردستان لە ناوچەی ئیدر ٧ سەرباز كوژران و برینداربون.
وەزارەتی بەرگری توركیا، رایگەیاند، لە ناوچەیەكی سەر بە پارێزگای ئیدر، سەر سنوری ئێران شەرش و پێكدادان لە نێوان هیچزە سەربازیەكانی ئەوان لەگەڵ گەریلاكانی پەكەكە رویداوە.
بەپێی راگەیەنراوەکە لە ئەنجامی پێكدادانەكەدا دوو سەرباز كوژراون و پێنجی تریش برینداربوون کە برینی یەكێكیان سەختە.
ئەوەش خراوەتەڕوو، لە كاتی رەوانەكردنی هێزی پشتیوانی بۆ شوێنی رووبەڕوبونەوەكە زرێپۆشێكیش وەرگەڕاوە و بەهۆیەوە سێ سەرباز برینداربوون، بەڵام وەزارەتی بەرگری تورکیا باسی لە وەرگەڕانی زرێپۆشەكە نەكردووە.
رۆژی 27 ی ئایار، سوپای توركیا ئۆپراسیۆنی چنگی دژی گەریلاكانی پارتی كرێكارانی كوردستان دەستپێكرد، بەرەبەیانی ئەمڕۆش لە ئەنجامی بۆردومانێكی چڕی فرۆكە جەنگیەكانی توركیا لە گوندی خەلیفانی ناوچەی برادۆست، زیانێكی زۆر بە مەروماڵاتی هاوڵاتیان گەیشت.