ئەمڕۆ یەكشەمە ٣٠/٦/٢٠١٩ وەزارەتی گواستنەوە و گەیاندن بڕیاریدا بە دەستپێكردنەوەی ئاڵوگۆڕی پۆستە لەنێوان هەرێمی كوردستان و وڵاتانی جیهان.
لە كۆنگرەیەكی ڕۆژنامەوانیدا ئومێد محەمەد ساڵح "وتەبێژی وەزارەتی گواستنەوە و گەیاندن ڕایگەیاند،ئاڵوگۆڕی پۆستە لەنێوان هەرێم و وڵاتانی دەرەوە لە ڕێی سەنتەری نێودەوڵەتی هەولێرەوە دەستپێدەكاتەوە".
ڕاشیگەیاند "لە ئەمڕۆوە ئاڵوگۆڕی پۆستە دەستپێدەكاتەوە،هاوڵاتیان دەتوانن بۆ ناردن و وەرگرتنی پۆستە لە ناوەوە و دەرەوەی هەرێم سەردانی بەڕێوەبەرایەتیەكان و نوسینگەكانی پۆستە بكەن".
ئەمە لەكاتێكدایە لە ساڵی ٢٠١٧ وە بەهۆی گرفتی داراییەوە، سەنتەری نێودەوڵەتی هەولێر بۆ ئاڵوگۆڕی پۆستە لەلایەن بەغداوە كاروباری ئەو سەنتەرە ڕاگیرا و دوای چارەسەركردنی ئەو گرفتە دارایانە دوبارە دەستكرایەوە بە ئاڵوگۆڕی پۆستە لەنێوان هەرێم و وڵاتانی جیهان.