وتەبێژی وەزارەتی ئەوقاف و كاروباری ئاینی حكومەتی هەرێم رایگەیاند،"هەفتەی داهاتو یەكەمین كاروانی حاجیان دەگەڕێنەوە هەرێمی كوردستان"
نەبەز ئیسماعیل، وتەبێژی وەزارەتی ئەوقاف و کاروباری ئاینی حكومەتی هەرێمی کوردستان راگەیاند،"رۆژی 17-8-2019 یەكەمین كاروانی حاجیان كە لەئێستادا لە سعودیەن بەمەبەستی ئەنجامدانی فەریزەی حەج دەگەڕێنەوە هەرێمی كوردستان".
وتەبێژی وەزارەتی ئەوقاف وتیشی "چاوەڕوان دەکەین لەماوەی 20 رۆژدا سەرجەم حاجیانی هەرێمی کوردستان لەرێگای هەردو فڕۆکەخانی سلێمانی و هەولێرەوە بگەڕێنەوە هەرێمی كوردستان".
بەپێی ئامارێكی وەزارەتی ئەوقاف، ئەمساڵ حەوت هەزار و 130 کەس لە هەرێمی کوردستان بۆ بەجێهێنانی فەریزەی حەج چونەتە سعودیە، تاكو ئێستاش دوو حاجی هەرێمی كوردستان لە شاری مەككە كۆچی دواییانكردوە.