بەڕێوەبەرایەتی هاتوچۆی دهۆك رایگەیاند،لە روداوێكی هاتوچۆدا شەش كەس بوونە قوربانی.
ئازاد تەها، وتەبێژی بەڕێوەبەرایەتی هاتوچۆی دهۆك رایگەیاند "كاتژمێر 4:30 خولەكی بەرەبەیانی ئەمڕۆ، لەسەر شەقامی سەرەكی كۆمەڵگەی دومیز، ئۆتۆمبێلێكی جۆری كیا مۆهاڤی وەرگەڕا و بەو هۆیەوە سێ كەس گیانیان لەدەستدا و سێ كەسی دیكەش برینداربون.
ئازاد تەها ئاماژەی بەوەشکرد، هەر ئەمڕۆ لە سەر رێگەی سەرەكی كۆمەڵگەی باگێرا بو ناحیەی مانگێشکێ، ئۆتۆمبێلێكی جۆری تەكسی وەرگەڕا، خۆشبەختانە هیچ زیانێكی گیانی لێنەكەوتەوە.