فراكسیۆنی سائیرون سەر بە موقتەدا سەدر ڕایگەیاند" دۆسیەیەكیان بۆ لێپرسینەوە لە عادل عەبدولمەهدی، سەرۆك وەزیرانی عێراق ئامادە كردووە و داوای دەستلەكاركێشانەوەی حكومەتیش دەكات".
ئەمشەو لە ڕاگەیەندراوێکدا فراكسیۆنی سائیرون ئەوەی خستەڕوو: لیژنەیەکمان بۆ ئامادەكردنی دۆسیەی لێپرسینەوە لە عادل عەبدولمەهدی، سەرۆك وەزیرانی عێراق ئامادەکردووە و داواشمان لە عەبدولمەهدی كرد دەستلەكاربَكێشتەوە.
فراكسیۆنی سائیرون لە ڕاگەیەندراوەکەدا ئاماژەی بەوەشکرد" كە كۆمسیۆنی هەڵبژاردنەكان بگۆڕدرێت و یاسای هەڵبژاردنیش هەمواربكرێتەوە بۆ ئەوەی هەڵبژاردنی پێشوەخت ئەنجام بدرێت".
ئەوەش لەکاتێکدایە کە خۆپیشاندانەکانی عێراق هەر لە دەستپێکەوە گرژی و ئاڵۆزی زۆری لێکەوتۆتەوە و بە سەدان کوژراو و بە هەزاران بریندارن.
هاوکات هەر ئەمڕۆ دوو شەممە ٤ی تشرینی دووەمی ٢٠١٩ کۆمسیۆنی مافەکانی مرۆڤ لە عێراق ڕایگەیاند"هێزە ئەمنییەكانی عیراق، تەقەیان لە خۆپیشاندەرانی ناڕازی كردووە لە بەغدا و لە ئاكامدا لانی كەم پێنج كەس كوژراوون".
.