بڕیاردەری لیژنەى دارایی پەرلەمانى عێراق رایدەگەیەنێت " دابینکردنە داراییەکان لەبواری مووچەى فەرمانبەران بۆ بودجەى ساڵی داهاتوو بەرز بۆتەوە بۆ 14 تریلیۆن دینار".
رۆژنامەى سەباح-ی عێراقی لەزاری ئەحمەد سەفار بڕیاردەری لیژنەکەوە بڵاویکردۆتەوە، " مووچەى ساڵی پار ٣٨ تریلیۆن دینار بووە، لەکاتێکدا بۆ ساڵی٢٠٢٠ دەبێت بە ٥٢ تریلیۆن".
دەشڵیت بەمەش " 14 تریلیۆنی زیاترە لەساڵی ٢٠١٩ ".
روونیشیکردەوە، بڕی نەوتى دیاریکراو بۆ هەناردە ٣ ملیۆن و ٨٠٠ هەزار بەرمیلی رۆژانە بووە کە لەو بڕە زیاتر بەسوودی گشتى تەواو دەبێت.
لە پەرلەمانی عێراق بەهۆی دۆخی خراپی سیاسی عێراقەوە بودجەى ساڵی ٢٠٢٠ ی ئامادە نییە و رەنگە بەپێی یاسای دارایی ناوەڕۆکی بودجەى ساڵی پاری وڵات جێبەجێ بکرێت.