وەزیری كشتوكاڵ و سەرچاوەكانی ئاو رایگەیاند" خاوەن كێڵگە پەلەوەریەكان دەتوانن پێداویستی و بەرهەمەكانیان بگوازنەوە، ئەمەش لە پێناو بەرزنەبوونەوەی نرخی مریشك و هێلكە، قەدەغەی هاتووچۆ ئەوان ناگرێتەوە".
بێگەرد تاڵەبانی، وەزیری كشتوكاڵ و سەرچاوەكانی ئاو لە هەژماری فەرمی خۆی لە تۆڕی کۆمەڵایەتی "فەیسبووک" ئاماژەی بەوەکردووە" دوای راگەیاندنی قەدەغەی هاتووچۆ خاوەن كێڵگە پەلەوەریەكان داوایان كرد رێگەیان پێ بدرێت كە پێداویستیی كێڵگەكانیان و بەرهەمەكانیان بگوازنەوە لەنێوان پارێزگاو قەزاو ناحییەكان".
وەزیری کشتوکاڵ و سەرچاوەکانی ئاو ڕاشیگەیاند" دوای راوێژ لەگەڵ وەزیری ناوخۆ بڕیاردرا كە خاوەن كێڵگە پەلەوەریەكان دەتوانن پێداویستی و بەرهەمەكانیان بگوازنەوە، لەئێستاشدا خاوەن كێڵگە پەلەوەریەكان لە پارێزگاكان، ئیدارە سەربەخۆكان و قائیمقامەكان كار ئاسانیان بۆ دەكرێت بۆ گواستنەوەی پێداویستی و بەرهەمەكانیان".
دەشڵێت" بڕیارەكە لەپێناو بەرزنەبونەوەی نرخی هێلكە و مریشكە لەسەر شانی هاوڵاتیانمان لەماوەی قەدەغەكردنی هاتوچۆ".