د. ڕێواز فایەق، سەرۆکی پەرلەمانی کوردستان دوای ئەوەی لە ١٤ی ئاداری ٢٠٢٠ لە هۆڵەندا گەڕایەوە ماوەی کەرەنتینەکەی لەماڵەوە تەواوکرد، کە ئەنجامەکەی (نێگەتیف) دەرچوو.

دەقی ڕوونكردنەوەكە:

روونكردنەوەیەك لە نوسینگەی رۆژنامەوانیی سەرۆكی پەرلەمانی كوردستان

دوای گەڕانەوەی بەڕێز د.ڕێواز فایەق سەرۆكی پەرلەمانی كوردستان لە دەرەوەی وڵات لە رۆژی 2020/3/14، وێڕای جێبەجێكردنی رێنماییە تەندروستییەكانی تایبەت بە ڤایرۆسی كۆڕۆنا (كۆڤید-19) و ئەنجامدانی پشكنینی تاقیگەیی سەرەتایی لە فڕۆكەخانەی نێودەوڵەتیی هەولێر لە رۆژی 2020/3/16 لەڕاگەیەندراوێكدا بڕیاری خۆكەرەنتین-كردنی بەڕێزیانمان لەڕۆژی گەڕانەوەیانەوە ڕاگەیاند.

ئەمڕۆ و دوای تەواوبوونی 14ڕۆژ كەماوەی دیاریكراوی كەرەنتینەیە، لەگەڵ پابەندبوونیان بەسەرجەم ڕێنماییە تەندروستییەكان و ئەنجامدانی دواپشكنین كەخاوێن و نێگەتیڤ دەرچوو، بەگرنگی دەزانین ئاگاداری هاووڵاتییانی هەرێمی كوردستان بكەینەوە كە كەرەنتینەی بەڕێزیان كۆتایی پێهاتووە. هاوكات هیوای چاكبوونەوە بۆ تەواوی تووشبووان دەخوازین و داوا لەهاووڵاتییانی خۆشەویست دەكەین پابەندی رێنماییە تەندروستییەكان بن..

نوسینگەی ڕۆژنامەوانیی سەرۆكی پەرلەمانی كوردستان
2020/3/28