وەزارەتی تەندروستی هەرێم رایگەیاند" شەش تووشبووی دیکەی کۆرۆنا لە سلێمانی تۆمارکرا".
کەمێک پێش ئێستا وەزارەتی تەندروستی حکومەتی هەرێمی کوردستان لە ڕاگەیەندراوێکدا ئاشکرایکرد" لە بەردەوامی پشکنینەکان و گەڕان بەدوای گومانلێکراوان، شەش تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکران".
لەبارەی تووشبووەکان تەندروستی هەرێم دەڵێت" تووشبووەکان پێکهاتوون لە پێنج پیاو تەمەن ٥١ و ٤٥ و ٤٤ و ٣٩ و ٣٨ ساڵ و ئافرەتێكی تەمەن ٦٣ ساڵ، تەنها یەك لە تووشبووان بەرکەوتووی تووشبووانی پێشووە، پێنج تووشبووەکەی تر نیشانەی نەخۆشیان ھەیە و پشکنینیان پۆزەتیڤ دەرچووە".
وەزارەتی تەندروستی هەرێم راشیگەیاندووە" سەرجەم تووشبووەکان دانیشتووی ناو شاری سلێمانین".