ئەمڕۆ بەڕێوەبەرایەتی گشتی تەندروستی هەولێر ژمارەیەك بڕیاری دەكرد و تیایدا دەوامی فەرمانبەرانی دیاریكرد و بڕیاریشیدا بەشێوەیەكی سنوردار سەردانكردن رێگەی پێ بدرێت.

بەپێی گشتاندنێكی بەڕێوەبەرایەتی گشتی تەندروستی هەولێر، كە واژۆی د. دلۆڤان محەمەد-ی لەسەرە، بڕیار دراوە دەوام لە سەرجەم بەڕێوەبەرایەتی و نەخۆشخانە و سەنتەر و بنكە و ناوەندە تەندروستییەكان بەشێوەی 100% دەستپێبكاتەوە و ڕۆژانە لە شەممە بۆ چوار شەممە دەوام لە كاتژمێر 9ی بەیانی بۆ 1ی نیوەڕۆ بكرێت.

تەندروستی هەولێر بڕیاریشیدا، كە دووری نێوان فەرمانبەران لە هەموو كاتێكدا لە دوو مەتر كەمتر نەبێت.