بەیانی ئەمڕۆ سەرۆک وەزیرانی عێراق بەسەرۆکایەتی وەفێک گەیشتە هەولێر و لە فڕۆکەخانە لەلایەن سەرۆکی حکومەتی هەرێمەوە پێشوازی لێکرا، لەسەردانەکەیدا بڕیارە کازمی سەردانی ئەو ناوچانە بکات کە توركیا بۆردومانی كردووە.
بەیانی ئەمڕۆ پێنج شەممە کاتژمێر ١٠:٠٠ مستەفا کازمى سەرۆک وەزیرانى عێراق گەیشتە هەولێر و لە فڕۆکەخانەى نێودەوڵەتى هەولێر، لەلایەن مەسرور بارزانى سەرۆکى حکومەتى هەرێمی کوردستان و جێگرانى سەرۆکى هەرێم و ژمارەیەک وەزیر و بەرپرسانى حکومەتى هەرێم پێشوازىى لێکرا.
بڕیارە لە سەردانەکەیدا کازمی زنجیرەیەک کۆبونەوە لەگەڵ بەپرسانی حکومەتی هەرێم ئەنجامبدات و سبەینێش بگاتە شاری سلێمانی.
هاوکات بەپێی زانیارییەکانی "سپی"، ئامانجی سەردانەکەی سەرۆک وەزیرانی حکومەتی عێراق پرسی دەروازە سنورییەکان و رێکەوتنی نێوان هەرێم و بەغدا و بۆردومانەکانی تورکیایە و لەسەر ئەو پرسانە لەگەڵ بەرپرسانی هەرێم گفتوگۆ دەکات.
هەر بەپێی زانیارییەکانی "سپی"، كازمی سەردانی دەروازەی سنووری ئیبراهیم خەلیل و ئەو ناوچانە دەکات، كە سووپای توركیا لە ماوەی رابردوو بۆردومانی كردووە.
ئەمەش لە کاتێکدایە، مستەفا کازمی سهرۆك وهزیرانی عیراق زیاتر لە سێ مانگە دەستبەکاربووە و ئهمه یهكهم سهردانی كازمی دهبێت بۆ ههرێمی كوردستان.