بڕیاره سبه‌ینێ سێشه‌ممه ئەنجومەنی پارێزگای سلێمانی کۆببێتەوە و بەپێی کارنامەی کۆبونەوەکەش دەنگ لەسەر دەستبەکاربوونی ژمارەیەک بەڕێوبەری گشتی بدات و سه‌باره‌ت به سوتانی دارسنه‌وبەرەکانی سلێمانی-ش گفتوگۆ بكات.
به‌پێی نوسراوێك كه واژۆی ئازاد محه‌مه‌د ئه‌مین، سه‌رۆكی ئەنجومەنی پارێزگای سلێمانی لەسه‌ره، کارنامەی کۆبونەوەی سبه‌ینێی تیایدا خراوه‌ته‌روو به‌پێی كارنامەکە:
- دەنگدان لەسەر پاڵێوراوی پۆستی بەرێوەبەری گشتی رۆشنبیری سلێمانی
- دەنگدان لەسەر پاڵێوراوی پۆستی بەرێوەبەری گشتی گەشەپێدانی كۆمەڵایەتی سلێمانی
- دەنگدان لەسەر پاڵێوراوی پۆستی بەرێوەبەری گشتی ئاوەدانكردنەوەی سلێمانی
تەوەرێكی كۆبونەوەكە تایبەت دەبێت بە سوتانی دارستان و دارسنەوبەرەكان لەسەر داوای ژمارەیەك ئەندامی ئەنجومەنی پارێزگای سلێمانی و بە ئامادەبوونی (پارێزگاری سلێمانی، سەرۆكی شارەوانی سلێمانی، بەرێوەبەری دارستان و پاوانى سلێمانی).