بەڕێوەبەرایەتی ئاسایشی ڕۆژئاوای سلێمانی دەستگیركردنی سێ كەسیان بە دراوی ساختەوە ڕاگەیاند.
بەڕێوەبەرایەتی ئاسایشی رۆژئاوای سلێمانی لە راگەیەنراوێكیدا رایگەیاند" سەرەڕای هەوڵ و ماندوبونی هێزەکانمان لەبەڕێوەبەرایەتی ئاسایشی ڕۆژئاوای سلێمانی بۆ پاراستنی دام و دەزگا حکومیەکان شوێنە گشتیەکان کەمەترسی سوتان و هێرشکردنیان لەسەربوو لەلایەن خۆپیشاندەرانەوە".
ئاماژە بەوەشکراوە" لەبەرواری ( ١٣/١٢/٢٠٢٠ ) لەناحیەی بازیان نزیک شارۆچکەی تەیناڵ سێ کەس بەناوەکانی (ع ، ف ، ع)دانیشتوی بازیان /تەیناڵ (ڕ ، ڕ ، م) و (ٲ ، م ، م) کە دانیشتوی چەمچەماڵن بەدراوی ساختەوە دەستگیرکران، دراوەکان لەجۆری سەد دۆلاری ئەمریکیە ،بڕەکەی (١٣٠٠)$ هەزارو سێ سەد دۆلارە، دوو دەمانچەشیان پێبوە ، دەستیان بەسەردا گیراوە".
ئەوەشخراوەتەڕوو، لە ئێستادا بە بڕیاری بەڕێز دادوەری دادگای لێکۆڵینەوەی ئاسایش لە سلێمانی بەپێی مادەی (281) لە یاسای سزادانی عیراقی لەلایەن بەشی لێکۆڵینەوەی بەڕێوەبەرایەتییمانەوە پەڕاویان بۆ کراوەتەوە و لێکۆڵینەوە لەدۆسێکانیان بەردەوامە.