وەزارەتی ناوخۆ رێوشوێنەکان بۆ سەری ساڵ توند دەکاتەوە
وه‌زاره‌تی ناوخۆی حكومه‌تی هه‌رێمی كوردستان لەبارەی رێوشوێن بەرامبەر بڵاوبوونەوەی زیاتری کۆرۆنا به‌یانی ژماره 57 ی دەرکرد کە هاتن و چوون بۆ چەند وڵاتێکی قەدەغەکرد، هەروەها هەرچی کۆڕ و کۆبوونەوەو ئاهەنگە بەهۆی سەری ساڵەوە قەدەغەکران.
پوخته‌ی بڕیاره‌كان:
یه‌كه‌م: قه‌ده‌غه‌كردنی گه‌شتی هاووڵاتیانی عێراق بۆ وڵاتانی (به‌ریتانیا، باشووری ئه‌فریقا، ئوسترالیا، دانیمارك، هۆڵه‌ندا، به‌لجیكا، ئێران و ژاپۆن).
دووه‌م: قه‌ده‌غه‌كردنی هاتنی كه‌سانی بیانی له‌و وڵاتانی ناویان هاتووه، جگه له نێرده دیپلۆماتییه‌كان و شانده فه‌رمییه‌كان.
سێیه‌م: ئه‌و هاووڵاتییه عێراقییانه‌ی له‌و وڵاتانه‌ی ناویان هاتووه ده‌گه‌ڕێنه‌وه 14 رۆژ كه‌ره‌نتینه ده‌كرێن.
چواره‌م: ده‌روازه سنوورییه‌كانی حاجی ئۆمه‌ران، باشماخ و په‌روێزخان به رووی گه‌شتیاران داده‌خرێن.
پێنجه‌م: هه‌موو گردبوونه‌وه و كۆنفرانس و كۆبوونه‌وه‌یه‌ك قه‌ده‌غه‌یه.
شه‌شه‌م: داوه‌ت و شایی و چوونه سه‌ر قه‌بران و پرسه دانان قه‌ده‌غه‌ن و سه‌رپێچیكار به بڕی 2 ملیۆن دینار سزا ده‌درێت.
حه‌فته‌م: هه‌موو شوێنه گشتییه‌كانی وه‌ك ماركێت و ریستۆرانت و شوێنه بازرگانییه‌كان به بێ به‌ستنی ماسك نابێت رێگه به هیچ كه‌سێك بده‌ن بچێته ژووره‌وه و سه‌رپێچیكار به یه‌ك ملیۆن سزا ده‌درێت.
هه‌شته‌م: له دامه‌زراوه‌كانی كه‌رتی تایبه‌ت به‌ستنی ماسك ده‌كرێته ناچاری و هه‌ر دامه‌زراوه‌یه‌ك سه‌پێچی بكات به 150 هه‌زار بۆ هه‌ر حاڵه‌تێك سزا ده‌درێت.
نۆیه‌م: پێویسته دانیشتوانی هه‌رێم ره‌چاوی رێكاره‌كانی خۆپارێزی بكه‌ن.
ده‌یه‌م: هه‌ر كه‌سێك ره‌چاوی به‌ستنی ماسك نه‌كات به 20 هه‌زار دینار سزا ده‌درێت.
یازده‌هه‌م: له كاتی هه‌بوونی سه‌رنشین له ئۆتۆمبێلدا شوفێر ده‌بێت ماسك ببه‌ستێت و به پێچه‌وانه‌وه 50 هه‌زار سزا ده‌درێت.
دوازده‌هه‌م: ئه‌م لایه‌نانه راسپێردراوون بڕگه‌كانی ئه‌م به‌یانه جێبه‌جێ بكه‌ن و پێبژاردنه‌كان وه‌ربگرن:
1- لیژنه‌كانی قائیمقامیه‌ت.
2- پۆلیسی رێكاری.
3- به‌ڕێوبه‌ری فه‌رمانگه.
4- بنكه‌ی پۆلیسی هاتوچۆ.
5- ئه‌فسه‌ری پۆلیسی هاتوچۆ له كاتی ئه‌ركدا.
6- بنكه‌كانی پۆلیس.
7- ئه‌فسه‌ری پۆلیس له كاتی ئه‌ركدا.
PM:02:20:24/12/2020