بەڕێوەبەرایەتی ڕەگەزنامە و كارتی نیشتمانی سلێمانی ڕایدەگەیەنێت" ئەو هاووڵاتیانەی پێناسەی باری شارستانی و ڕەگەزنامەی فسفۆریان هەیە پێویست ناكات مامەڵەی كارتی نیشتیمانی بكەن".
بەڕێوەبەرایەتی ڕەگەزنامە و كارتی نیشتمانی سلێمانی لە ڕاگەیەندراوێكدا، كە وێنەیەکی دەست (سپی) کردووە تیایدا هاتووە، لەسەر بڕیاری بەڕێوبەرایەتی گشتی ڕەگەزنامەی عێراق، لە ئێستادا تەنھا ئەم مامەڵانە دەکرێت:
١- مامەڵەی ھاوسەرگیری
٢- مامەڵەی جیابوونەوە
٣- مامەڵەی منداڵی تازە لەدایکبوو/ دەبێت منداڵەکە تەمەنی (3 مانگی ) تەواوکردبێت
٤- مامەڵەی مردن
٥- مامەڵەی تێکچوونی پێناسی باری شارستانی و کارتی نیشتیمانی
٦- مامەڵەی ونبوونی پێناسی باری شارستانی و کارتی نیشتیمانی
٧- ( صوره قیدی ورقی) واتا تۆماری ٥٧
٨- ( صوره قیدی ألکترونی) بۆ ئەو کەسانەی کە خاوەنی کارتی نیشتیمانین
ئاماژەی بۆ ئەوەشكردووە، كە ئەو هاووڵاتیەی پێناسەی باری شارستانی و ڕەگەزنامەی فسفۆری هەبێت لەفەرمانگەكانی حكومەتی هەرێم ئیشوكاری بۆ دەكرێت پێویست ناكات بچێت مامەڵەی كارتی نیشتیمانی بكات، چونكە بە بڕیاری بەغدا وەستاوە.