ئەمڕۆ دووشەممە ٨ ی تشرینی دووەمی ٢٠٢١ فەرماندەی قودسی ئێرانی (ئیسماعیل قائانی) بەنهێنی گەیشەتە بەغداد.
سەرچاوەیەکی ئاگادار لەبەغداوە بە (ماڵپەڕی سپی میدیای) ڕاگەیاند "سەردانەکەی ئیسماعیل قائانی گەرماندەی سوپای قودس بۆ بەغداد ی پایتەختی عێراق بەشێوەیەکی نهێنی و دوور لە چاوی کامێراکان ئەنجام دراوە".
ئەو سەرچاوەیە وتیشی "ئەم سەردانەی ئیسماعیل قائانی پەیوەندی بە ئەو پەرەسەندنە سەربازیی و سیاسییانەوە هەیە، کە تێیدا بەرەبەیانی دوێنێ هێرش کرایە سەر ماڵی مستەفا کازمی لە ناوچەی سەوز".
ئیسماعیل قائانی دووساڵ لەمەوبەر لەدوای کوشتنی قاسم سولەیمانی فەرماندەی پێشوی سوپای قودس، لە جێگەکەی داندرا و تەواوی مەلەفە سیاسی و سەربازی و ئەمنییەکانی ئێران ڕادەستی فەرماندەی ئێستای سوپای قودس ئیسماعیل قائانی کرا.