سەرۆکی ئەمەریکا جۆبایدن پێشئەوەی بەرەو پشووی هەفتانەی لە کامدێڤد لە ئەمەریکا بڕوات، بە میدیاکانی راگەیاند کە نیگەرانە لەو دۆخەی لەسەر سنوری بیلاروسیا و پۆلۆنیا دەگوزەرێت.

ئاژانسی دەنگوباسی فەرەنسا ئەو لێدوانە کورتەی بایدنی سەرۆکی ئەمەریکای بڵاوکردەوە، بەبێ ئەوەی زیاتر لەو " نیگەرانییە" هیچی تر بڵێت.

هەروەها حکومەتی ئەڵمانیا لە پەیوەندیدایە لەگەڵ سەرۆکایەتی رووسیا و بیلاروسیا لەسەر دۆخی مرۆیی سەرسنوری بیلاروسیا و ناکۆکی نێوان یەکێتی ئەوروپا و بیلاروسیا بەردەوامە لە گفتوگۆ.

یەکێتی ئەوروپاش بەردەوامە لە مەحکومکردنی حکومەتی بیلاروسیا کە پرسی کۆچبەران وەک چەکێک بەکاردەهێنێت دژی یەکێتی ئەورپا.

ماوەی زیاتر لە هەفتەیەکە میدیا ئەوروپای و عەرەبی و ئەمەریکییەکان بابەتی کۆچبەرانی کوردیان لەسەر سنوری بیلاروسیا کردۆتە رۆژەڤ و سات بەسات نوێترین زانیاریەکانیان لەسەر ئەو رووداوە سیاسی و مرۆییە بڵاودەکەنەوە.