وا بڕیارە سبەینێ ئەنجوومەنی
وەزیرانی هەرێمی كوردستان كۆببێتەوە و یەكێك لە بابەتەکانیش باسكردنی دەرماڵە و خۆپیشاندانی
خوێندكاران بێت.
خوێندكارانی ناڕازی، لە
ڕاگەیەنراوێكدا، كە لە تۆڕە كۆمەڵایەتییەكاندا داواكارییەكانیان بڵاوکردۆتەوە بۆ
ئەنجوومەنی وەزیران کە ١٢ داواکارییە و دەڵێن "پێش لە دەستچوونی
دۆخەكە ئەنجوومەنی وەزیران بڕیار بدات".
دەقی ڕاگەیاندرا و داواکارییەکانی خوێندکاران
بەم شێوەیەیە:
١- دابینكردنی دەرماڵەی ١٥٠ ھەزار دینار بۆ خوێندكاران (زانكۆلاین، پارالێل، ئێواران).
٢- بڕینی دەستی حزب لە زانكۆ و پەیمانگاكان.
٣- كاراكردنەوەی پلەبەرزكردنەوەی فەرمانبەران بۆ باشتركردنی بژێوی خانەوادەكان.
٤- دامەزراندنی یەكەمەكانی زانكۆ و پەیمانگاكان.
٥- دامەزراندنی وانەبێژان.
٦- دەستكردن بە دامەزراندنی دەرچووانی زانكۆ و پەیمانگاكان.
٧- كەمكردنەوەی كورسی خوێندنی بەپارە بۆ ٥٪ لە زانكۆ حكومیەكان .
٨- باشكردنی دۆخی بەشە ناوخۆییەكانی ھەموو زانكۆكان.
٩- تێگەیشتن لەوەی ئەم جیلە شكۆ لەلای واتە خزمەتكردن و ھیچ ھێزێك ناتوانێ رایبگرێ
و چوونە سەرجادەی بێ ئەنجام نابێ.
١٠- بەدادگایی گەیاندنی ئەو ھێزە ئەمنیانەی، كە ھێرشیان كردە سەر خوێندكاران.
١١- لابردنی باج و رسومات لە خوێندكاران لەكاتی وەرگیران و دەرچوونیان.
١٢- دەست بە جێ
ئازادكردنی خوێندكارە دەستگیركراوەكان.