سەرچاوەیەک لە سەرۆکایەتی زانکۆی پۆلیتەکنیکی سلێمانی راگەیاند، "بەهۆی کارەکانی چاککردنی بەشەناوخۆییەکان، بۆ ماوەی یەک هەفتەی دیکە پشوو لە زانکۆکەیان درێژکراوەتەوە".

دەشڵێت، ئەگەر خوێندکاران بگەڕێنەوە بەشەناوخۆییەکان ئەوا ناتوانن کارەکان ئەنجامبدەن و نۆژەنکردنەوە تەواو بکەن، بۆیە پشووەکەیان درێژکردووەتەوە، بەو پێیەش، تاوەکو ٩ی مانگی داهاتوو دەوام لە زانکۆکەدا دەستپێناکاتەوە.

ئەمەش لەکاتێکدایە، هاوڵاتیان و خوێندکاران و فەرمانبەرانی هەرێم لە پشووی کۆتایی ساڵدان و بەپێی پشووە فەرمییەکانی حکومەتی هەرێم؛ لە ٢٥ی مانگی کانوونی یەکەم تاوەکو ٢ی کانوونی دووەم پشووە.