ئەمڕۆ ٧ی ئایار
دووشەممە، کاتژمێر١١پێش نیوەرۆ بەسەرپەرشتی قوباد تاڵەبانی عەلوەی رۆژئاوای سلێمانی کرایەوە.
پێشنیوەڕۆی ئەمڕۆ، بەسەرپەرشتی
قوباد تاڵەبانی، جێگری سەرۆکی ئەنجومەنی وەزیران و بەئامادەبوونی هەریەکە لە بێگەرد
تاڵەبانی وەزیری کشتوکاڵ و سەرچاوەکانی ئاو، دارا رەشید وەزیری پلاندانان، محەمەد
شوکری سەرۆكی دەستەی وەبەرھێنان و هەڤاڵ ئەبوبەکر پارێزگاری سلێمانی عەلوەی رۆژئاوای
سلێمانی کرایەوە.
قوباد تاڵەبانی،
جێگری سەرۆکی ئەنجومەنی وەزیران لەکاتی کردنەوەی عەلوەی نوێی سلێمانی ڕایگەیاند"
عەلوەی نوێی سلێمانی پرۆژەیەکی گرنگ و ستراتیژییە و هەوڵێکە بۆ فرەجۆرکردنی
سەرچاوەکانی داهات، رەخساندنی هەلی کار، پاراستنی ئاسایشی خۆراک و بوژانەوەی ئابوری،
هەروەها لەداهاتوویەکی نزیکدا پڕۆژەی هاوشێوە لە هەڵەبجە، رانیە، هەولێر و
شارەکانی دیکەش دەکرێنەوە، ئەوەی جێگەی خۆشحاڵیشە زۆربەی ئەو پڕۆژانەی لەم
ماوەیەدا دەکرێنەوە پرۆژەی کشتوکاڵین ".
هەر ئەمڕۆ لە کاتی
کردنەوەی عەلوەی نوێی سلێمانی بێگەرد تاڵەبانی، وەزیری کشتوکاڵ و سەرچاوەکانی ئاوی
هەرێم لە وتارێکیدا ڕایگەیاند "عەلوەی نوێی سلێمانی لەسەر رووبەری ١٠٣ دۆنم
زەوی دروستکراوە، ٢٠٥ کەرت لەخۆدەگرێت و رووبەری هەر کەرتێک ٢٥٠ مەترە، لەگەڵ
ئەوەشدا شەش ساردکەرەوەی بە رووبەری هەزار مەتر دووجای تێدایە، هەروەها تاقیگەیەکی
کوالێتی کۆنتڕۆڵیشی تێدا دروستکراوە ".