شاندێكی دەستەی وەبەرهێنانی هەرێمی كوردستان لە ئەڵمانیان و چەند كۆبوونەوەیەكیان كردووە و بڕیاریشە لەگەڵ وەبەرهێنەرانی ئەو وڵاتە هاوكاری زیاتری یەكتر بكەن.
د.محەمەد شوكری، سەرۆكی دەستەی وەبەرهێنان بە كوردستان 24ی راگەیاندووە "لەگەڵ كەرتی تایبەت و ژمارەیەك خاوەن كۆمپانیا و وەبەرهێنەری ئەڵمانی، تاوتوێی پیشخستنی ژێرخانی ئابووری هەرێمی كوردستانمان كردووە و لەدواین كۆبوونەوەی ئەمڕۆ لەگەڵ پارێزگاری كاسڵی ئەڵمانیا، باسمان لە پتەوكردنی هەماهەنگییەكان و بەهێزكردنی پەیوەندییەكانی نێوان وڵاتی ئەڵمانیا و هەرێمی كوردستان كردووە".
ناوبراو ئاماژەی بەوەكردووە، كۆبوونەوەكەی ئەمڕۆ لەگەڵ ژمارەیەك وەبەرهێنەری گەورە بڕیاردرا، تیمێكی هاوبەش لە نێوان حكومەت و كەرتی تایبەتی ئەڵمانیا و دەستەی وەبەرهێنان پێك بهێندرێت و كار لەسەر سیكتەرە سەرەكی و پێویستییەكانی كوردستان بكەن، بەتایبەتی لە كەرتی كشتوكاڵ، پیشەسازی و رێگەوبان، بڕیاریشە مانگی داهاتوو شاندێكی حكومەت و وەبەرهێنەرانی ئەڵمانیا سەردانی هەرێمی كوردستان بكەن.