ئەمڕۆ ٢٣شەممە ی تەمووز، وەزارەتی دەرەوەی عێراق گەڕاندنەوەی باڵیۆزی کاربەڕێکەری عێراقی لە ئەنقەرەوە بۆ بەغدا ڕاگەیاند، ئەوەش وەک کاردانەوەیەک لە بەرامبەر هێرش و بۆردومانەکانی تورکیا. 

ئەحمەد ئەلسەحەف وتەبێژی وەزارەتی دەرەوە، بە ئاژانسی هەواڵیی عێراقییەی ڕاگەیاند "وەزارەت بڕیاریدا بە گەڕاندنەوەی باڵێۆزی کاربەڕێکەری عێراق لە ئەنقەرە بۆ بەغدا".

دەشڵێت  "وەزارەتەکە جەخت دەکاتەوە هیچ ڕێککەوتنێکی ئەمنی و سەربازی لەگەڵ تورکیادا نییە".

کەناڵی سپی میدیا لە تێلیگرام جۆین بکە  

هەر ئەمڕۆ شەممە،  وەزارەتی دەرەوەی عێراق ڕایگەیاند،"لە ئەنجومەنی ئاسایشی نێودەوڵەتی سکاڵای لە تورکیا کرد و داوای دانیشتنێکی نائاسایی ئەنجومەنەکەی کرد لەبارەى "دەستدرێژییەکانی تورکیا." 

ئەوەش لە کاتێکدادێت رۆژی چوارشەممەی ڕابردوو ٢٠ ی حوزەیران سێ تۆپ ئاراستەی ناوچەیەکی گەشتیاریی سنووری زاخۆ کران و بەهۆیەوە نۆ کەس گیانیان لەدەستداوە و ٢٦ کەسی دیکەش بریندار بوون، کە برینی هەندێک لە بریندارەکان سەختە.