بەپێی نوسراوێكی سەرۆكایەتی ئەنجومەنی وەزیران كە بۆ وەزارەتی تەندروستی نێردراوە، تێیدا هاتووە "ئەنجومەنی وەزیران ڕەزامەندی دەربڕی لەسەر پێدانی بڕی پێنج ملیۆن دینار بۆ خانەوادەی شەهیدانی كۆرۆنا لە (پزیشكان و كارمەندانی تەندروستی) ئەوانەی لە كاتی دەوامی فەرمیدا تووشی كۆرۆنا بوون و بەم نەخۆشییە كۆچی دواییان كردووە".

سەرەتای 2020 ڤایرۆسی كۆرۆنا لەسەر ئاستی جیهان و كوردستان بڵاوبووەوە و بەو هۆیەشەوە ژمارەیەكی زۆر لە پزیشك و كارمەندانی تەندروستی كە هێڵی پێشەوەی بەرگری بوون بۆ چارەسەركردنی تووشبوان كۆچی دواییان كرد.