پۆلیسی سلێمانی ڕایدەگەیەنێت" ئەو کەسەی هاوسەر و خەسوو و خەزووری برینداركرد دەستگیركرا".
بەڕێوەبەرایەتی پۆلیسی پارێزگای سلێمانى لە راگەیەنراوێکدا بڵاویکردەوە" دوای ئەوەی ئێوارەی ڕۆژی ١٧-٩-٢٠٢٢، هێزەكانی پۆلیسی سلێمانی ئاگاداركرایەوە لە بوونی ڕوداوێك لە ناوچەی تانجەرۆی شاری سلێمانی، دەستبەجێ هێزەكانی پۆلیسی فریاكەوتن گەیشتنە شوێنی ڕوداوەكەو دەركەوت كە تۆمەتبارێك بە چەقۆ هێرشیكردۆتە سەر هاوسەر و خەسوو و خەزووری و برینداری كردوون، دەستبەجێ تۆمەتبار (م ، خ ، ح تەمەن ٢١ ساڵ) لەلایەن مەفرەزەكانی بەشی پۆلیسی فریاكەوتنەوە دەستگیرکرا و بریندارەكانیش بۆ نەخۆشخانە گواسترانەوە".
ئاماژەى بەوشکردووە، لەبەر تایبەتمەندێتی دۆسیەكە، تۆمەتبار ڕەوانەی بەڕێوەبەرایەتی بەرەنگاربوونەوەی توندوتیژی دژی ئافرەتان و خێزان لە شاری سلێمانی كرا.