بەڕێوەبەرایەتی ئاسایشی رۆژئاوای سلێمانی رایدەگەیەنێت، لە ناوچەی (كچان)ی سەنگاوی سنووری چەمچەماڵ، شەڕ و رووبەڕووبوونەوە لە نێوان ھێزەكانیان و دوو چەكداری داعش روویداوە بەوهۆیەوە دوو چەكدارەكە كوژراون.
ئاسایشی رۆژئاوای سلێمانی رایگەیاندووە، كاتێك گەمارۆ دراون چەكدارەكان رووبەڕووی هێزە ئەمنییەكان بوونەتەوە، دوای 30 خولەك لە شەڕ و پێكدادان دوو چەكدارەكە كوژراون.
ئاسایشی رۆژئاوای سلێمانی باسی لەوەكردووە، پێشتر زانیارییان هەبووە لەسەر چەكدارەكان و دوای رەزامەندیی دادوەر ئۆپەراسیۆنیان بۆ دەستگیركردنی چەكدارەكان كردووە.