بانكی ناوەندی عێراق لە ماوەی هەفتەی رابردوودا بایی زیاتر لە ٧٠٠ ملیۆن دۆلاری فرۆشتووە.
بانكی ناوەندیی عێراق بڵاویكردۆتەوە لە رۆژانی یەكشەممە تا پێنجشەممەی هەفتەی رابردوو، بڕی ٧٢٧ملیۆن و ٣٠٧هەزار و ٥٤٦ دۆلاری فرۆشتووە كە بەراورد بە ھەفتەی پێشووتر بەرێژەی ٢.٣% زیادی كردووە.
هەر بەپێی داتاكانی بانكی ناوەند، لە دوو مانگی رابردوودا، بانكەكە بڕی ٤ ملیار و ٥٥٩ ملیۆن و ٢٨٣ هەزار و ٦٣٩ دۆلاری خستووەتە بازاڕەوە، كە بڕی ٢ ملیار و ٣٢٢ ملیۆن و ٦٨٣ هەزار و 639 دۆلاری بەشێوەی حەواڵە بووە و بڕی ٢ ملیار و ١٣٦ ملیۆن و ٦٠٠ هەزار دۆلاری بەشێوەی كاش بووە.