بەرپرسێكی باڵای حكومەتی هەرێمی كوردستان رایدەگەیەنێت، سبەینێ هەناردەكردنەوەی نەوتی هەرێمی كوردستان لەڕێگەی توركیاوە دەست پێدەكاتەوە.
ئامانج رەحیم، سكرتێری ئەنجومەنی وەزیرانی هەرێمی كوردستان رایگەیاندووە، بەپێی ڕێكەوتننامەی هەرێم و حكومەتی فیدڕاڵ كە لە ٤ نیسانی ٢٠٢٣ جێبەجێكراوە دەبێت ئەم هەنگاوانە بنرێت..
یەكەم: مفاتحەكردنی بۆتاشی توركی لەلایەن كۆمپانیای سۆمۆ بۆ دەستپێكردنەوەی هەناردەی نەوتی هەرێم سبەینێ لە ڕێگای بۆری نەوتی كەركوك-جەیهان و فرۆشتنی لە ڕێگای كۆمپانیای سۆمۆ.
دووەم: ڕێكەوتنی سۆمۆ لەگەڵ كڕیارانی پێشووی نەوتی هەرێم سەبارەت بە میكانیزمیی نوێی فرۆشتنی نەوتی هەرێم و فرۆشتنی نەوتی هەرێم بە هەمان نرخی بەرزی سۆمۆ وهەڵوەشاندنەوەی داشكاندنی نرخی نەوتی هەرێم لە بازاڕی جیهانی بەراورد بە نرخی سۆمۆ كە پێشتر بەهۆی ڕیسكی قانونی لەسەر نەوتی هەرێم و بڕیارەكانی ئەمدواییەی دادگای باڵای فیدڕاڵیی ئەو دیسكاونتە ئەكرا.
سێیەم: ڕەزامەندی بانكی ناوەندیی عێراق لەسەر نووسراوی كۆمپانیای سۆمۆ بۆ كردنەوەی ئەژمێری بانكی لە ئیماراتی عەرەبی یەكگرتوو بۆ ئیداع كردنی پارەی داهاتی نەوتی هەرێمی كوردستان.
چوارەم: ڕاسپاردنی ئەنجومەنی وەزیرانی عێراق لە دوا كۆبوونەوەی خۆی بۆ لیژنەیەكی وەزاری لە وەزیرانی (دارایی، پلاندانان، شارەوانی وئاوەدانكردنەوە) و فەرمانگەی قانونی ئەنجومەنی وەزیرانی بەغدا بۆ داڕشتنەوەی هەردوو بڕگەی مادەی ١٢ لە پڕۆژە یاسای بودجەی عێراق بە ئاڕاستەی لابردنی كۆتوبەندەكانی سەر ناردنی بەشە بودجەی مانگانەی هەرێم.