چوارچێوەی هەماهەنگی پشتگیری خۆی بۆ جێبەجێكردنی یاسای بودجە و خزمەتگوزارییەكانی دیكەی حكومەتی عێراق راگەیاند.
چوارچێوەی هەماهەنگی لەراگەیەنراوێكدا رایگەیاندووە، لە كۆبوونەوەی ئەمڕۆدا بەئامادەبوونی محەمەد شیاع سودانی، سەرۆك وەزیرانی عێراق، چوارچێوەی هەماهەنگی هەوڵەكانی حكومەتی عێراق بەرز نرخاند و پشتیوانی تەواو لە جێبەجێكردنی یاسای بودجەی ناوەندی و خێراكردن لە هەر هەوڵێك كە خزمەتگوزار بە خەڵكی بگەیەنێت دەكات.
كۆتایی مانگی رابردوو پەرلەمانی عێراق بودجەی سێ ساڵی بە بڕی ١٥٣ ملیار دۆلار پەسەندكرد، یاساكەش لە دوێنێوە كەوتە بواری جێبەجێكردنەوە.