بەپێی زانیارییەکانی پێگەی "okdiario"ی ئیسپانی، مانگی داهاتوو دادگایکردنی دانی ئەلڤێز دەبێت،بە دیاریکراوی لە 5 تا 7ی شوبات، کە دادگاییکردنەکە بەڕێوەدەچێت، بۆیە ئەلڤێس لە ئێستاوە ستراتیژی کۆتایی خۆی دەخاتە ڕوو بۆ ئەوەی هەوڵی کەمکردنەوەی سزاکەی بدات.
بە قسەی سەرچاوەکە، ئێستا پارێزەرانی دانی ئەلڤێس پێیان وایە کە شەوی چالاکییەکە خواردنەوەی خواردووەتەوە و ئاگاداری کارەکانی نەبووە، ئەم گۆڕانکارییە لە بیرکردنەوەدا یارمەتیدەر نابێت بۆ بڕیاری کۆتایی دادوەر کە مامەڵە لەگەڵ دۆسیەکەدا دەکات.
هەروەها ڕاستییەکە ئەوەیە کە داواکاری گشتی بەرشەلۆنە داوای 9 ساڵ زیندانی دەکات، ئەمە جگە لە 10 ساڵ ئازادی چاودێری کراو و قەرەبووکردنەوەی بڕی 150 هەزار یۆرۆ بۆ قوربانییەکە، لە کاتێکدا داواکاری گشتیی ئەهلی داوای زیندانی بۆ 12 ساڵ بەرزکردۆتەوە، کە زۆرترین سزای بۆ دانراوە لە یاسای سزادان بۆ تاوانێکی لەم جۆرە لە ئیسپانیا.
جگە لەوەش پێویستە ئاماژە بەوە بکرێت کە دانی ئەلڤێس لەم پرۆسەیە چەندین بەرگری خۆیشی گۆڕیوە، ئەو یاریزانە لەگەڵ تیپی یاسایی خۆیدا موناقەشەی کردووە کە سەرەتا درۆی کردووە بۆ ئەوەی لەلایەن هاوسەرەکەی جوانا سانزی مۆدێلەوە نەدۆزرێتەوە. «ئەو ویستویەتی خێزانەکەی بپارێزێت. ئەو ترساوە لەبەردەم خەڵکدا ئاشکرای بکات کە بێ وەفا بووە بەرامبەر بە هاوسەرەکەی، یەکەم پارێزەر کە هەیبوو، کریستۆباڵ مارتێل، ڕوونیکردەوە لە هەر حاڵەتێکدا یاریزانەکە هەمیشە پێداگری لەسەر ئەوە کردووە کە پەیوەندییەکە بە ڕێککەوتن بووە.