بەڕێوەبەرایەتی گشتی کەشناسی هەرێم پێشبینی دەکات ئەمڕۆ دوو شەممە ئێوارەکەی کۆتایی بەو سەرما و رەشەبایە بێت کە هەرێمی بە شێوەکی گشتی و سلێمانی بە شێوەیەکی تایبەتی گرتۆتەوە، بەڵام پلەکانی گەرما ئەمڕۆش بە ساردی دەمێنێتەوەو سبەی بەرزدەبێتەوە.
کەشی پێشبینیکراوی ٤٨ کاتژمێری داهاتوو بەم شێوەیە دەبێت.
ئەمڕۆ دووشەممە:
کەش، ئاسمان بەگشتی ساماڵ و پەڵە هەور دەبێت لەگەڵ بوونی رەشە با تاکو و کاتەکانی ئێوارە لەهەندێ ناوچەکانی هەرێم بەتایبەتی لەناوچەکانی پارێزگای سلێمانی وهەڵەبجە و ئیدارەی گەرمیان.
خێرای با، لەسەرخۆ – مامناوەند ٢٠- ١٠ کم/س دەبێت لەناوچەکانی رەشەبا ٤٠-٢٠ کم/س هەندێ کات چالاک دەبێ بۆ سەروی ٤٠ کم /س دەبێت.
ئاراستەی با، باکووری خۆرهەڵات دەبێت .
پلەکانی گەرما، نزم دەبێتەوە بە نزیکەی ٤ تا ٦ پلە بەراوورد بە تۆمارکراوەکانی دوێنێ .
سبەی سێ شەممە ٢٧ ی شوبات بەمشێوەیەیە:
کەش،ئاسمان نیمچە هەور دەبێت بۆ هەوری تە واو دەگۆڕێت بەتایبەتی لەناوچە شاخاوییەکاندا.
پلەکانی گەرما، کەمێک بەرز دەبێتەوە (١-٢ ) پلە بەراوورد بە تۆمارکراوەکانی ئەمڕۆ .
خێرای با، لەسەرخۆ – مامناوەند ٢٠-١٠کم/س دەبێت.
ئاراستەی با، باکووری خۆرهەڵات دەبێت .
بەرزترین پلەکانی گەرمای پێشبینیکراو بە پلەی سیلیزی
هەولێر : ١٤
سلێمانی :١٠
دهۆک : ١٣
زاخۆ: ١٤
هەڵەبجە: ١١
کەرکوک: ١٧
سۆران: ٩
حاجی ئۆمەران: -٣
گەرمیان: ١٥