شارەزایەکی کەشناسی عێراق پێشبینی دەکات لە سبەی یەکشەممەوە شەپۆلێکی بارانبارین روو لە ناوچەکانی هەرێم دەکات و لە هەولێر و سلێمانی و دهۆک بارانی بەخوڕ دەبارێت.
سادق عەتیە شارەزای کەشناسیی عێراق رایگەیاند" سبەی یەکشەممە شەپۆلێکی بارانبارینی بەخوڕ روو لە ناوچەکانی هەرێم دەکات بە تایبەتیش سلێمانی و هەولێر و دهۆک دەگرێتەوە".
عەتیە پێشینی دەکات لەگەڵ بارانبارینەکەدا بایەکی توندیش روو لەو ناوچانە دەکات و لە دوای نیوەڕۆی رۆژی دووشەممە بارانبارین کۆتایی پێ دێت.
پێشتر کەشناسی هەرێم ئاماژەی بۆ ئەوە کرد کە یەک شەممە شەپۆلێکی بە‌هێزی بارانبارینی بە لێزمە شارەکانی سلێمانی و هەڵبجەو باکوری کەرکوک دەگرێتەوەو، باران بارینەکە لە هەولێر و دهۆک ئاسایی دەبێت.