شەڕڤانانی یەپەگە لە هێرشێكدا بۆ سەر چەكدارانی داعش توانیان 5 گوندو 23 گوندی بچوك لەدەستی چەكدارانی داعش رزگار بكەن.
ناوەندی ڕاگەیاندن و چاپەمەنی یهکینهکانی پاراستنی گهل ( یەپەگە ) ڕایگەیاند کە لەڕۆژئاوای سەرێکانی ئۆپەراسیۆێنی شەرڤانانی یەپەگە لەدژی چەتەکانی داعش تائێستاش بەردەوامە . لە ئۆپەراسۆێنەکەدا 5 گوند و 23 گوندک ( گوندی بچوک ) لەدەستی چەتەکان پاکرایەوە.
یەپەگە ڕایگەیاند لە چوارچێوەی ئۆپەراسۆێنەکانی شەرڤانانی یەپەگە گوندەکانی نێوان شارۆچکەی ڕاویا و لەسەر خەتی سنور کە چەتەکانی داعش پێشتر داگیریان کرد بوو گوندەکانی مگران، تمات، دبێ، بوادان، ئمادان و 23 گوندی بچکوکیش لەدەستی چەتەکانی داعش ڕزگار کران.
لەهەمان کاتدا شەوی ڕابردوو شەرڤانانی یەپەگە گردێکی ستراتیجی لەنزیک گوندی ئلیای لەدەستی چەتەکان ڕزگار کرد و لەو چالاکیەدا و لە
لەکاتی ڕزگار کردنی گردەکەدا 13 چەتەی داعش کوژراون دەستیش بەسەر پیکابێک و یەک دۆشکەی 14.5 و هەزار گولەی دۆشکەو 2 کڵاشکۆف و دەمانچەیەک 30 بۆمبی دەستی و 2 سندوق گولەی کڵاشکۆف و 2 سندوق گولەی بیکەیسی و 5 موشەکی جۆری بی 7 گیرا و
لاشەی چەتەیەکی داعشیش کەوتەوە دەستی شەرڤانانی یەپەگەوە..
ئهمەو شەرڤانانی یەپەگە لەدەروبەری گوندی ڕاویا لەدژی چەتەکانی داعش چالاکییەکیان بە موشەکی بی 7 ئەنجامدا و تێدا بلدۆزەرێکی چەتەکانی داعش بەتەواوی تێکشکێندرا.