لەیەکەم ڤیدیۆدا بەزمانی ئەڵمانی، داعش هەڕەشە لە راوێژکاری ئەڵمانیا ئەنجێلا میرکڵ دەکات و دەڵێن: ئەڵمانیاو نەمسا دەکەینە ئامانجی هێرشەکانمان.
ئەو ڤیدیۆیە کە ٥ خوولەکە دوو کەس لە رێکخراوی داعش هەڕەشە لەبەرپرسانی و دوو وڵاتە دەکەن و دەڵێن" لەماڵەکانی خۆیاندا سەریان دەبڕین".
هەروەها یەکێک لە چەکدارەکان هەڕەشە لە مێرکڵ دەکات.
ئەم هەڕەشانەی داعش وەک خۆیان ئاماژەی بۆ دەکەن " بەرامبەر ئەو کوشتارەیە کە ئەڵمانیا لەدژی هاوڵاتیانی ئەفغانستان ئەنجامیان داوە".
میدیاکان و دەزگا ئەمنییەکانی ئەڵمانیا ئەو دوو کەسەیان دەستنیشانکردووە کە لەو ڤیدیۆیەدا دەردەکەون، یەکێکیان " ئەبو عەمر ئەڵمانی"یەو ئەوی تریان " ئەبو ئوسامە غەریبە" کە لە نەمسا ژیاوە.